Skuvla, oahpahus

Gieldda oahpahushálddahus jođiha doaimma gieldda buot skuvlahámiin, ovdaskuvllas rávesolbmooahpahussii.

Ovdaskuvla
Ovdaskuvllas unnimus mánát ožžot váldit oasi pedagogalaš doaimmas oahppan bargiid jođihemiin. Ovddaskuvllas lea iežas oahppoplána.

Mánát agis 1-5 jagi lea riekti sadjái ovdaskuvllas jus váhnemat barget dehe lohket. Jus váhnemat leat ruovttus barggus dikšut easká riegádan oappá dehe boarrásit mánát lea riekti mannat ovdaskuvlii 15 diimmu juohke vahku. Leat maid nu jus váhnemat ohcet barggu.

Ovdaskuvllat leat máŋga báikkiin. Okta ovdaskuvla lea rabas mánáide geain váhnemat barget ijaid dehe basiid.

Váhnemat geat barget dehe lohket mákset ovdaskuvlasajis. Haddi rehkenasto váhnemiid oktasaš sisboađu vuođul.

Visot mánát gaskal 3 jagi ja 5 jagi lea riekti nuvttá pedagogalaš doibmii 15 diimmu vahkkui, nu gohččoduvvon almmolaš ovdaskuvla, beroškeahttá jus váhnemat bargaba dehe eaba. Almmolaš ovdaskuvla fállo čakčamánu vuosttaš beaivvis gitta miessemánu 31 beaivái.

Mellanselas, Gideås ja Björnas, gávdno nu gohččoduvvon Rabas ovdaskuvla. Dohko mánát geat eai leat čállon dábálaš ovdaskuvlii leat buresboahtin ovttas fuolaheddjiin. Ii dárbbaš ilmmuhit ovdagihtii, lea dušše boahtit. Rabas ovdaskuvla lea rabas njeallje iđitbeivviid vahkkui. Ii mávsse maidege mannat Rabas ovdaskuvllas. 

Jus háliidat ohcat ovdaskuvlasaji de dagat dan e-bálválusa bokte gieldda webbasiiddusopens in new window (skovvi lea ruoŧagillii) Don sáhtát riŋget gieldda vuostáiváldimii 0660 – 880 00 de oaččut veahki gávdnat bargiid geat váldet vuostá du ohcamuša.

Oza maŋemusat njeallje mánu ovdal go dárbbahat saji.

Ovdaskuvlaluohkká
Dan jagi mánná deavdá 6 jagi  gielda sádde fálaldaga ovdaskuvlla birra váhnemiidda. Ovdaskuvlaluohkká lea eaktodáhtolaš áigumušain stimuleret máná oahppama ja addit buori vuođu dan joatkašuhtti skuvlavázzimii.

Vuođđoskuvla
Sii geat leat álbmotčálihuvvon gildii ožžot gohččosa skuvlaálggaheapmái dan jagi go mánná deavdá 7 jagi. Jus váhnemiin ii leat erenoamáš sávaldagat de mánná bidjo skuvlii lagamusa orohaga.

Jus leat easká johtán gildii mánáin skuvlaagis de válddát ieš oktavuođa skuvlavuostáiváldiin dan guovllus gos orut. Jus it dieđe makkár skuvlaguvlui don gullot, de váldde oktavuođa gieldda telefovnnavuostáiváldimiin 0660-880 00 de oaččut veahki.

Astoáigeruoktu
Astoáigi lea mánáide gaskkal 6-13 jagi geat dárbbahit bearráigeahču ovdal ja maŋŋil skuvlabeaivvi. Oahppan bargit hábmejit doaimma skuvlla oahppoplána jelgii. Astoáigeruoktu lea dávjá skuvllas dehe skuvlla lahkosis. Váhnemat mákset astoáigesajis.

Astoáigesaji sáhttá ohcat skovi bokte gieldda ruovttosiiddusopens in new window (skovvi lea ruoŧagillii). Don sáhtát maid riŋget gieldda telefovnnavuostáiváldimii 0660-880 00 de oaččut veahki gávdnat bargi guhte váldá vuostá du ohcamuša.

Kulturskuvla ja teknihkkaskuvla
Gieldda kulturskuvla lea eaktodáhtolaš doaimmat maid oahppit sáhttet ohcat searvat skuvlaáiggi olggubealde.

Sierraskuvla
Oahppit geat dárbbahit lasse doarjaga iežas skuvlavázzimis galget álggus oažžut dan skuvllas mii lea lagamus ruovttu. Oahppit mearkkašahtti doaibmahehttehusaiguin sáhttet, maŋŋil guorahallama ja váhnemiid sávaldagaid mielde, oaččut saji sierraskuvllas. Sáhttá leat medisiinnalaš, psykologalaš, pedagogalaš dehe sosiála sivat mat dahket ahte sierraskuvlasadji árvvoštallo addit daid buoremus eavttuid ovdáneapmái ja oahppamii.

Gymnásaskuvla
Orrestaare gieldda gymnásat leat Parkskolan ja Nolaskolan. Goappeš ovttadagat fállet sihke teorehtalaš ja praktihkalaš oahpahusaid. Nuorat geat valáštallet ja áigut beassat elihtadássái lea vejolašvuohta ohcat valáštallangymnásii mii addá vejolašvuođa hárjehallat valáštallamat bálddalaga dábálaš oahpu.

Alibut oahppu
Campus Örnsköldsvik fállá ámmátallaskuvlaoahpahusaid, ja maid universitehtaoahpahusaid ja dutkama ovttas Ubmeje universitehtain. Dasa lassin lea vejolašvuohta  lohkat iežá skuvllaid gurssiid gáiddusoahpuin.

Campus lea Orrestaare guovddážis, lahka bussaide ja togaide. Oahppit dáhkiduvvojit orohaga muhto mákset láiggu.

Rávesolbmooahpahus ja duođaštus
Rávesolbmuin geain eai leat máhtut mat leat seammá go vuođđoskuvla dehe gymnásaskuvla lea vejolašvuohta dievasmahttit iežas oahpahusa. Dat guhte lea čálihuvvon Orrestaarii lea dohkálaš ohcat gieldda rávesolbmooahpahussii čakčat dan jagi go devdet 20 jagi. Oahpahus lea nuvttá vuđolaš dásis. Gymnásadásis ferte ieš oastit oahpponeavvuid ja girjjálašvuođa.

Dan guhte iežá riikka oahpahusvuogádaga bokte, dehe iežá láhkái, lea háhkan gelbbolašvuođa lea vejolašvuohta oažžut iežas máhtuid duođaštahttot. Maŋŋil duođaštahttima olmmoš sáhttá oažžut duođaštusa iežas máhtolašvuođain.
Váldde oktavuođa rávesolbmooahpahusain: 0660-889 00.

Ruoŧagiella sisafárrejeddjiide (sfi)
Gieldda rávesolbmooahpahus fállá ruoŧagiela sisafárrejeddjiide (sfi) olbmuide geain eai leat vuđolaš máhtut ruoŧagielas. Jus galgá beassat oassálastit ruoŧagielas sisafárrejeddjiide de ferte leat unnimusat 16 jagi, álbmotčálihuvvon gielddas ja atnit dievaslaš persovdnanummara. Ruoŧagiela sisafárrejeddjiide sáhttá ovttastahttit iežá oahpahusain, bargguin dehe bargohárjehallamiin. Oahpahus lea nuvttá.

Oažžut dieđuid sfi birra, váldde oktavuođa rávesolbmooahpahusa kuratoriin:0660-889 00.

Sidan uppdaterades

2017-08-31

Sidansvarig: