Orrestaare

Orrestaare gielddas leat 55 000 ássit. Sullii bealli orru gávpogis Orrestaares dehe guovlluin lagamuš gávpoga. Bjästa, Husum, Bredbyn ja Köpmanholmen leat dat stuorimus čoahkkebáikkit.

Johtolagat
Don beasat Orrestaarii togain, girdiin, bussain dehe biillain. Togat bisánit mátkeguovddážii Orrestaare guovddážis. Guovlulaš togat, Norrtåg, bisána maid Orrestaares buohcceviesu lahka ja Husumis.

Bussat iežá gávpogiidda ja gieldda giliide bisánit mátkeguovddáža báldii Orrestaares. Gávpotbussat mannet Örnparkenis, mii lea márkanguovddáža bálddas Orrestaares.

Girdigieddi lea Gideås, 25 gilomehtera Orrestaare guovddážis. Dás sáhtát girdit Stockholbmii, Árviesjávrái ja moanat charterbáikkiide.

Jus háliidat mannat báktesulluide de mannet tuvrrafatnasat, sullii 20 gilomehtera Orrestaare oarjjelis. Dat stuorimus sullot leat, Ulvön ja Trysunda, ja dohko leat johtolat jagi birra.

Höga kusten
Orrestaare lea oassi máilbmeárbbis Höga kustenis. Dat mii lea erenoamáš Höga kusteniin lea go eanan loktana čázis lagabut 1 centimehteriin juohke jagi.  

Höga kusten lea geasuheaddji olgoeallimii, sihke báktesulluin ja mehciin ja luonddus. Dat čiekŋalis mearraluovttain lea vuogas borjjastit. Höga kusten-váccáhaga mielde sáhtát vázzit 130 gilomehtera Höga kusten-silddis Kramforssa gielddas ja viimmat ollet Orrestaare guovddážii. Dalle dus lea leamaš čáppa várdu ja sáhttán vuoiŋŋastit stobožiin geainnu mielde.

Turista
Höga kusten turism addá rávvagiid mii lea geahččanveara, orrumii ja doaimmaide Orrestaares ja maid lagaš gielddain Kramfors, Hïernesaande ja Sollefteås. Don gávnnat dieđuid webbasajis http://www.hogakusten.com/external link, opens in new window. Don sáhtát maid jearrat jearaldagaid e-boastta bokte info@hogakusten.com dehe riŋget +46(0)613-108 50.

Geasset 2017 rahpá maid ollát ođđa galledanguovddáš Höga kusten-silddi nuorta geažis. Dohko leat buresboahtin persovnnalaš diehtojuohkimii.

Orrun
Orrestaare báikegoddi, gilit ja gávpot fállá máŋggalágán orrumiid. Dábáleamos orrun lea villa-orrun. Viessohattit leat vuollegaččat jus buohtastahttá dállodoaluid ekonomiija. Maŋemus jagiid leat huksehuvvon ođđa orrunviesut máŋggaide geasuheaddji báikkis hámmanguovllus gávpotguovddážiin dušše kvartera eret.

Gieldda orohatfitnodat, Övikshem, lea láigoviesut guovddáš Orrestaare ja moadde čoahkkebáikkiin. Jus ozat láigoviesu de leat buresboahtin váldit oktavuođa Övikshemain. Riŋge vuostáiváldimii: +46(0)660-29 93 50 dehe sádde e-boasta: info@ovikshem.se.

Don sáhtát maid váldit oktavuođa soames dain priváhta láigoverddiiguin dehe opmodatsoabadallifitnodagaiguin.  

Jus don plánet hukset iežas viesu de gieldda servodathuksenlávdegoddi sáhttá veahkehit du áššiiguin dego eanan, njuolggadusat hukset ja makkár lobit gáibiduvvojit. Sádde e-boastta: bygglov@ornskoldsvik.se dehe váldde oktavuođa gieldda veaksiliin 0660-880 00.

Sidan uppdaterades

2016-12-20

Sidansvarig: