Gielda ja politihkka

Juohke njealját jagi leat almmolaš válggat. Dalle sii geat orrut Orrestaares válljejit politihkkariid geat galge čohkkát gielddadievasčoahkkimis. Visot geat leat deavdán 18 jagi ja leat álbmotčálihuvvon gielddas lea vuoigatvuohta jienastit válggas gielddadievasčoahkkimii.

Dat álbmotválljejuvvon politihkkarat mearridit gieldda doaimma ja bálvalusa birra ássiide. Ovdamearkka dihte skuvla, fuolahus boarrásiin ja olbmuin doaibmahehttehusain, sosiála doarjja, gádjunbálvalus, astoáigi, geainnut, čáhci ja čorgen.

Gielddadievasčoahkkin
Gielddadievasčoahkkin lea gieldda alimus mearrideaddji dássi. Sii mearridit vearuid oppalaš ulbmiliid ja budjeahta gielda doibmii ja nammadit vel gielddastivrra ja lávdegottiid.

Gielddastivra
Gielddastivra jođiha, ovttastahttá ja čuovvula gieldda doaimma. Sis lea maid dat politihkalaš ovddasvástádus gieldda ovdáneamis ja ekonomiijas. Gielddastivra bukte evttohusaid áššiid maid gielddadievasčoahkkin galgá mearridit ja lea ovddasvástádus ahte mearrádusat čađahuvvojit.

Lávdegottit
Gieldda lávdegottiin lea dat politihkalaš ovddasvástádus dan doibmii mii lea gieldda ássiide. Juohke lávdegoddái gávdno hálddahus gos virgeolbmot bearráigehččet ahte lávdegotti mearrádusat čađahuvvojit.

Oahpahuslávdegottis lea ovddasvástádus ovdaskuvllas, astoáiggis, kulturskuvllas, teknihkkaskuvllas, gymnásaskuvllas, rávesolbmooahpahusas ja ruoŧagielas sisafárrejeddjiide.

Servodathuksenlávdegottis lea ovddasvástádus kultuvrras, astoáiggis, huksemis, birrasis, dearvvašvuođas, johtolagain, geainnuin, párkkain ja gádjunbálvalusas.

Fuolahuslávdegottis ja humanisttalaš lávdegottis lea ovttas ovttasvástádus addit doarjaga, divššu ja fuolahusa dárbbuid mielde. Sáhttá leat boarrásiidruoktu, veahkki olbmuide doaibmahehttehusain, doarjja psykalaš eahpedearvvašvuhtii, doarjaga mánáide geat gillet, gaskaboddasaš ekonomalaš doarjaga, veahki beassat eret boasttogeavaheamis dehe sullásaččas.  

Gieldda fitnodagat
Orrestaares gávdnojit gielddalaš fitnodagat geain lea ovddasvástádus orohagaide (Övikshem), energiija (Övik energi) čáhci, njielahat ja ođđasit ávkkástallan (Miva), girdigieddi, (Övik Airport) ja vel hámmandoaibma (Örnsköldsviks hamn och logistik).

Sidan uppdaterades

2016-12-20

Sidansvarig: