Fuolahus ja veahkki

Gielda addá doarjaga ja veahki ássiide geat sierra sivaid dihte dárbbahit servodaga veahki oanibut dehe guhkibut áigái. Muhtin bijut muddejuvvojit Sosiálabálvaluslágas ja Lágas doarjja ja bálvalus muhtin doaibmahehttehuvvon olbmuide. Iežá bijuid gieldda politihkkarat leat mearridan ahte gielda galgá fállat.

Boarrásiidfuolahus
Boarrásat dárbbahit doarjaga vai galget birget iežaset árgabeaivvi ja sáhttet oažžut veahki gielddas. Doarjja muddejuvvo lágas ja gielda geahččala juohke olbmo dárbbu. Sáhttá leat veahki mii dahká ahte boaris sáhttá joatkit orrut iežas orohagas. Ruovttobálvalusa bargi veahkehit fuolahusain, dálkasiiguin, persovnnalaš buhtisvuođain, bassamiin ja álkibut čorgemiin. Das geas lea váttis ráhkadit biepmu ieš sáhttá oažžut biepmu ruktui. Boarrásat geat orrut okto sáhttet oažžut dorvolárpma nu sáhttet gohččut veahki.

Das geas lea stuorra dárbu dikšui ja bearráigehččui sáhttá oažžut saji dikšo- ja fuolahusorrumii gos leat bargit birra jándora.

Dan guhte ožžo veahki gielddas dikšui ja fuolahussii máksá bijuid ovddas. Hattit leat gitta dan veahkis man ožžo ja man ollu ruhta lea.

Gávdnojit maid álkibut bálvalus mii ii mávsse maidege. Gávnnahansajit leat báikkit gosa boarrásat sáhttet mannat ovttastallat ja searvat sierra doaimmain.

Oktavuohta
Háliidat go ohcat veahki, váldde oktavuođa fuolahusovttadagain:
0660-26 51 82.

Sosiálastivrra webbasajisexternal link, opens in new window gávdno čálus ”Du riekti dikšui ja fuolahussii – ofelaš boarrásiidda” davvisámegillii.

Doarjja go lea doaibmahehttehus
Olbmot doaibmahehttehusain galget oažžut veahki oassálastit servodagas juste dego visot iežát. Doarjja lea individuála ja gieldda geahččala juohke olbmo dárbbu.

Dan guhte dárbbaha ollu veahki birgehit iežas árgabeaivvi sáhttá oažžut persovnnalaš veahki guhte veahkeha buhtisvuođain, gárvodemiin, biepmuin ja iežáiguin maid ii birge ieš. 

Doaibmahehttehuvvon olbmot geain lea stuorra dárbu dikšui ja doarjagii sáhttet beassat boahtit orrumii erenoamáš doarjagiin. Sáhttet leat joavkoorrumat dehe dábálaš láigoviesut. Joavkoorrumiin de lea iežas láigoviessu muhto doppe leat bargit jándora birra. Dáidda geat birgejit iešráđálaččabut orruma gávdno bálvalusorrumat. Dat lea láigoviesut mat eai leat čadnon oktii ja ožžot persovnnalaš doarjaga dárbbu mielde.

Gielda sáhttá addit doarjja dasa geas lea rumašlaš doaibmahehttehus galgá heivehit iežas orohaga, ovdamearkka dihte hukset rámpa rullabeŋkii dehe govddidit uvssaid.

Dan guhte dárbbaha gullanrusttegiid, rullatuvrra dehe iežá veahkkeneavvuin kompenseret rumašlaš doaibmahehttehusa galgá jorgalit iežas dearvvašvuođaguovddážii.

Oktavuohta
Háliidat go ohcat veahki, váldde oktavuođa fuolahusovttadagain:
0660-26 51 82.

Doarjja oapmahaččaide
Dan guhte dikšu oapmahačča sáhttá, maŋŋil dárbogeahččaleami, oažžu veahki vai son sáhttá vuoiŋŋastit muhtimiin. Sáhttá leat veahkki ruovttus dehe ahte dan gean dikšu sáhttá beassat boahtit oanehisáigeorrumii gos oahppan bargit dikšut oapmahačča dan botta.

Gieldda oapmahaškonsuleanttat lágidit ságastallanjoavkkuid, logaldallamiid ja leat doarjja oapmahaččaide.

Oktavuohta
Háliidat go diehtit eanet oapmahašdoarjaga birra, váldde oktavuođa oapmahaškonsuleanttaiguin: 0660-883 14. Háliidat go ohcat veahki oanit áigái oapmahašdikšuide, váldde oktavuođa fuolahusovttadagain: 0660-26 51 82.

Doarjja veagaide ja ovttaskasaide
Gielddat addet doarjaga veagaide ja ovttaskasaide geat sierra sivaid dihte dárbbahit servodaga veahki ovtta áigái. Sáhttá ovdamearkka dihte lea bargguhisvuođa, ekonomalaš váttisvuođaid, psykalaš váttuid dehe boasttogeavaheamis alkohola dehe iežá mirkkuid dihte.

Sidan uppdaterades

2016-12-20

Sidansvarig: