Tjïelte jïh politihke

Fïerhten njealjeden jaepien lea sïejhme veeljeme. Dellie dah gïeh Orrestaaresne årroeh veeljieh mah politihkerh edtjieh tjïeltereeremisnie tjahkasjidh. Gaajhkesh gïeh leah 18 jaepieh illeme jïh tjïeltesne tjaalasovveme reaktah utnieh veeljemisnie tjaatsestidh tjïeltereeremasse.

Dah åålmegeveeljeme politihkerh sjæjsjalieh tjïelten barkoej jïh dïenesji bïjre. Vuesiehtimmien gaavhtan skuvle, voeresehokse jïh hokse almetjidie heaptojne, sosijaalen dåarjoe, viehkiedïenesje, eejehtimmie, geajnoeh, tjaetsie jïh sjeakome.

Tjïeltereereme
Tjïeltereereme skaehtiej, bijjemes ulmiej jïh budgetten tjïelten barkojde nænnoste jïh aaj tjïelteståvroem jïh moenehtsh nommedahta.

Tjïelteståvroe
Tjïelteståvroe tjïelten barkoem stuvrie, aktene jïh dåårje. Dah aaj politihken dïedtem utnieh tjïelten evtiedimmien jïh ekonomijen åvteste. Tjïelteståvroe raeriem vadta ierine mij tjïeltereereme edtja sjæjsjalidh jïh dïedtem åtna dah sjæjsjalimmide tjïrrehtidh.

Moenehtsh
Tjïelten moenehtsh politihken dïedtem utnieh barkoej åvteste mah tjïelten årroejidie. Fïerhten moenehtse reereme åtna mij vååksje moenehtsen rååresjimmieh tjïrrehtidh.

Ööhpehtimmiemoenehtsen dïedte lea aarhskuvlen, eejehtshïejmi, kultuvreskuvlen, teknihkeskuvlen, maadthskuvlen, jåarhkeskuvlen, geerveööhpehtimmien jïh sveerjegïelem sisjuhtiji åvteste.

Siebriedahkebigkememoenehtsen dïedte lea kultuvren, eejehtimmien, bigkemen, byjresen, healsoen, valkesen, geajnoej, såafoej jïh viehkiedïenesji åvteste.

Såjhtoemoenehtse jïh humanistijen moenehtse ektesne dïedtem utnieh dåarjoem, hoksem jïh såjhtoem vedtedh daerpiesvoeten mietie, mejtie voereseårroejidie, almetjidie heaptojne mah viehkiem daarpesjieh, dåarjoem vedtedh psykisken ov-healsojne, vaarjelimmieh maanide mah vååregisnie, annjebodts ekonomeles dåarjoem, viehkiem vedtedh miedtiemistie båetedh jallh maam akt jeatjah.

Tjïelten sïelth
Orrestaaresne tjïelten sïelth gååvnesieh mej dïedte årromesijjiej åvteste (Övikshem), energijen åvteste (Övik energi), tjaetsien, malskoeluejhtemen, sorhpi jïh sorhpeveesmemen åvteste (Miva), girtiesijjien åvteste (Övik Airport) jïh staarhvoebarkoen åvteste (Örnsköldsviks hamn och logistik).

 

Sidan uppdaterades

2017-09-19

Sidansvarig: