Ietniegïele nasjonellen unnebelåhkojde

Learohkh mah naan dejnie nasjonellen unnebelåhkojne reaktam utnieh ietniegïeleööhpehtæmman dejnie byjjes unnebelåhkoegïeline såevmiegïele, meänkieli, saemiengïele, romaani chib jïh jiddisch. Aaj reaktam utnieh jïlhts ij learohke våaromemaahtoem utnieh gïelesne jïh seamma jis gïele gåetien aarkebiejjiegïele jallh ij lea. Ij kreavasovvh sjïere låhkoe learoehkijstie gïelese tjaalasovveme. Jis tjïelte edtja maehtedh ietniegïeleööhpehtimmiem faaledh dellie tjuara sjïehteles lohkehtæjja gååvnesidh.

Learohkh maehtieh unnebelåhkoegïelem lohkedh, voestes jallh mubpiegïeline. Kuvsjesoejkesje voestes gïeline learoehkidie mah våaromemaahtoem utnieh jïh gusnie unnebelåhkoegïele lea aarkebiejjien gïele gåetesne. Kuvsjesoejkesje mubpiegïeline learoehkidie mah eah våaromemaahtoem gïeline utnieh jïh sijhtieh daam lïeredh.

Jis sæjhta nasjonellen unnebelåhkoegïelem jåarhkeskuvledaltesisnie dellie tjuara learohke hijven maahtoem gïelesne utnedh.

Aarh skuvleklaassesne maahta tjïelte faaledh ietniegïeledåarjoem unnebelåhkoegïelesne bieline sïejhme learohkedåehkesne jïh barkosne.

Learohken åelieh tjuerieh ietniegïeleööhpehtimmiem ohtsedidh. Skuvlen rektovre dan bïjre sjæjsjalidh.

Gaskesadteme
Jis sïjhth vielie bïevnesh ietniegïeleööhpehtimmien bïjre unnebelåhkojde, gaskesadth Karin Andersson, Flerspråkigt centrum, 073 – 274 56 01 jallh e-påastem seedth flersprakigtcentrum@ornskoldsvik.se.

 

Sidan uppdaterades

2017-09-19

Sidansvarig: