Såjhtoe jïh viehkie

Tjïelte dåarjoem jïh viehkiem årroejidie vadta mah ovmessie sjiekiej åvteste siebriedahken viehkiem daarpesjieh åeniehkåbpoe jallh guhkebe boelhkine. Naan dïenesjh Sociallaaken jïh Laake dåarjoen jïh dïenesjh naan ov-vervies almetjidie regaleradamme. Jeatjah darjomh tjïelten politihkerh leah sjæjsjalamme tjïelte edtja faaledh.

Voeresesåjhtoe
Voeresh mah dåarjoem daarpesjieh dej aarkebiejjien maehtieh viehkiem åadtjodh tjïelteste. Dåarjoe lea laaken mietie regleradamme jïh tjïelte pryövemem dorje fïerhten almetjen daerpiesvoeteste. Viehkie guktie voerese maahta gåetesne årrodh. Hïejmedïenesjen barkijh viehkiehtieh hoksine, daalhkesinie, persovneles hygienine, bïsseminie jïh aelkebe sjeakoeminie.

Dïhte gie ij maehtieh beapmoeh jurjiehtidh maahta beapmoeh gåatan buektiesåvva. Voeresh mah oktegh gåetesne maehtieh jearsoesvoetealaarmem åadtjodh mejnie maahtah viehkiem gåhtjodh.

Dïhte gie jïjnje hoksem daarpesje maahta hokse- jïh såjhtoeårromesæjjan båetedh gusnie barkijh abpe dygnesne.

Dïhte gie viehkiem åådtje hoksine jïh såjhtojne daej åvteste maeksedh. Maaksoe dan mietie man jïjnjh viehkiem daarpesje jïh man jïjnjh beetnegh åtna.

Gååvnese aelkebe dïenesjh mah namhtah. Gaavnedimmiesijjieh gusnie voeresh maehtieh gaavnedidh jïh ovmessie darjoeminie meatan årrodh.

Gaskesadteme
Jis datne sïjhth vielie dåarjoem jïh viehkiem voeresidie daejredh, gaskesadth tjïelten lïhkesadtje- jïh voeresekonsuleentem: 0660-881 98. Jis datne sïjhth viehkiem ohtsedidh, gaskesadth dåastoveektievoetem: 0660-26 51 82.

Dåarjoe svihtjemeheaptojne
Almetjh heaptojne edtjieh viehkiem åadtjodh meatan siebriedahkesne årrodh. Dïhte lea individuelle dåarjoem jïh tjïelte pryövemem dorje fïerhten almetjen daerpiesvoeteste.

Dïhte gie jïjnje viehkiem daarpesje sov aarkebiejjesne bïerkenidh maahta persovneles viehkiehtæjjam åadtjodh. Dïhte viehkehte hygienine, gåårvedimmine, beapmojne jïh jeatjah mah ij maehtieh jïjtje darjodh.

Jis jïjnje hoksem jïh dåarjoem daarpesje maahta almetje årromesijjiem åadtjodh gusnie sjïere dåarjoe. Maahta dåehkiegåetieh jallh sïejhme leejjemegåetieh årrodh. Dåehkiegåetine fïere guhte dan jïjtse gåetieluhpiem åtna men barkijh daesnie abpe dygnem. Dejtie gïeh maehtieh jienebe bïerkenidh dïenesjegåetieh gååvnesieh. Dah leah leejjemegåetieh gusnie årroje viehkiem åådtje jis daarpesje.

Tjïelte maahta dåarjoem vedtedh dejtie mah fysihke svihtjemeheaptoem utnieh, dah edtjieh maehtedh dej årromesijjiem sjïehtedh, vuesiehtimmien gaavhtan raampem bigkedh jårremestovlese jallh gamte oksh.

Dïhte gie govlemeapparaath, rullatovrh jallh jeatjah viehkiedïrregh daarpesje guktie fysihken svihtjemeheaptoem kompenseradidh edtja sov healsoejarngem gaskesadtedh.

Gaskesadteme
Sïjhth vielie daejredh dåarjoen jïh viehkien bïjre almetjidie svihtjemeheaptojne gaskesadth voerese- jïh lïhkesadtjeraeriestæjjam: 0660-881 98. Sïjhth viehkiem ohtsedidh, gaskesadth dåastoveektievoetem: 0660-26 51 82.

Dåarjoe lïhkesadtjide
Dïhte gie lïhke almetjem hoksedh maahta, daerpiesvoetem pryövemen mænngan, viehkiem åadtjodh guktie dïhte åådtje lïegkedidh såemies aejkien. Viehkiehtæjja maahta gåatan båetedh jallh dïhte maam håksa åådtje åenehkstïjjeårromesæjjan båetedh gusnie barkijh lïhkesadtjem huksieh.

Tjïelte lïhkesadtjeraeriestæjjah soptsestallemedåehkieh jïh lohkemh öörnieh jïh aaj lïhkesadtjide dåarjodh.

Gaskesadteme
Sïjhth vielie daejredh lïhkesadtje-dåarjoen bïjre, gaskesadth lïhkesadtje-raeriestæjjide: 0660-883 14 jallh 0660-881 98. Sïjhth viehkiem lïhkesadtje-hoksijasse ohtsedidh, gaskesadth dåastoveektievoetem: 0660-26 51 82.


Dåarjoeh fuelhkide jïh almetjasse
Tjïelte dåarjoem vadta fuelhkide jïh almetjasse mij ovmessie sjïekiej åvteste siebriedahken viehkiem boelhkem daarpesje. Dïhte maahta dan gaavhtan årrodh, v.g. barkohts, ekonomeles dåeriesmoerh, psyken vaejvieh jallh jis alkohovlem jallh jeatjah drogh båajhtoeh nåhtadidh.

Tjïelte dïedtem åtna maanah vaarjelidh mah vaahresne. Gaajhkh mah såevmieh maanah vædtsoesvoetem dååjroeh jallh jeatjah vuekine vaejviem dååjroeh byöroeh daam tjïeltese bæjhkoehtidh. Barkijh skuvlesne jallh jeatjah barkojne tjuerieh laaken mietie bæjhkoehtidh jis såevmieh maanah vaejviem dååjroeh. Tjïelte dellie muana jis maana dallegh vaarjelimmiem daarpesje jallh jis goerehtimmine aalka.

Gosse geerve vædtsoesvoetem dååjroeh lïhke ektiedimmine tjïelte maahta dåarjoem vedtedh dïsse mij vædtsoesvoetem dååjroe. Daaresjæjja maahta aaj viehkiem åadtjodh sov aggressijven dåemiedimmine.

Fuelhkieraerievedteme soptsestallemem faala paarride, fuelhkide jïh almetjasse man lea dåeriesmoere lïhke ektiedimmine jïh sæjhta dam jeatjahtehtedh. Ij naan journaalh tjaelieh jïh maam soptseste ij vijriesåbpoe juhtieh. Jis daarpesje dellie maahta soptsestallemem toelhkestidh.

Barkijh tjïelten ålkonedåehkeste gååvnesieh noerebyjresisnie jïh jearsoesvoetem skaepiedieh jïh edtjieh miedtemi jïh drogi vööste barkedh.

Gaskesadteme
Sïjhth datne dåarjoem jïh viehkiem jïjtsadth ohtsedidh jallh dåeriesmoeride fuelhkesne, gaskesadth dellie dåastovedåehkiem: 0660-888 07, e-påaste: vfmottagningsgruppen@ornskoldsvik.se

Gaskesadth fuelhkieraeriestæjjide: 0660-886 87 jallh 0660-886 89.

 

Sidan uppdaterades

2017-09-19

Sidansvarig: