Orrestaare

Orrestaaren tjïelte 55 000 årrojh åtna. Medtie bielie daejstie staaresne Orrestaare årroeh jallh dajvine staaren lïhkemes. Bjästa, Husum, Bredbyn jïh Köpmanholmen leah dah stööremes voenh.

Feelemh
SJ:en tåågh vuelkemejarngese Orrestaaren jarngesne tjöödtjestieh. Dah regionaalen tåågh, Norrtåg, aaj lïhke Orrestaaren skïemtjegåatan jïh Husum:asse tjöödtjestieh.

Bussh mubpide staaride jïh unnebe voenide tjïeltesne vuelkemejarngese Orrestaaresne tjöödtjestieh. Staarebussh Örnparkeste vuejieh, mij lea tåarjen lïhke.

Girtiesijjie lea Gideåesne, 25 kilomeeterh Orrestaaren jarngeste.

Jis sïjhth skearadajvese vuelkedh dellie tuvrevïnhtsh Köpmanholmeste vuejieh, medtie 20 kilomeeterh Orrestaaren åarjelen. Dejtie stööremes såålide, Ulvön jïh Trysunda, vïnhtsh abpe jaepien vuejieh.

Höga kusten
Orrestaare lea bielie vearteneaerpeste Höga kusten. Dïhte mij sjïere Höga kusten lea daesnie laante jallene lïhkebe 1 centimeetere fïerhten jaepien.

Höga kusten:sne lea vietseles ålkone årrodh. Dah gïengeles mearoeloekth siglemasse böörieh. Höga kusten-baalkan mietie maahtah 13 mïjlh vaedtsedh Höga kustenpruvveste Kramfors tjïeltesne Orrestaaren jarngese. Dellie datne leah murriedamme tjaebpies eatnamisnie jïh ståapoej sisnie geajnoen mietie lïegkedamme.

Turisth
Höga Kusten Turistservice bïevnesh vadta, maam maahtah vuejnedh, gusnie maahtah årrodh jïh maam maahtah darjodh Orrestaaresne, Kramforsesne, Hïernesaandesne jïh Sollefteå:esne. Datne bïevnesh webbesijjesne www.hogakusten.com länk till annan webbplats, öppnas i nytt fönstergaavnh. Maahtah aaj e-påastine gyhtjelassh gihtjedh, seedth dejtie info@hogakusten.com jallh ringkh +46(0)771-26 50 00.

Gellie vietseles guessieulmiej lïhke gååvnesieh skjeermh, “infopoints”, gusnie maahtah digitaale bïevnesh ohtsedidh. Högakustenpruvvien lïhke lea turistejarnge gusnie barkijh bievnieh.

Årrome
Orrestaaren laantedajve, voenh jïh staare faelieh gellie såarhth årromenuepieh. Sïejhmemes villagåetieh. Minngemes jaepieh lea orre gellieårrojegåetieh bigkeme staarhvoen lïhke jïh mah aaj leah staaren jarngen lïhke.

Tjïelten gåetiesïelte, Övikshem, gåetieluhpieh utnieh Orrestaaren jarngesne mah maehtieh leejjedh jïh aaj naan sjeltine. Jis datne gåetieluhpieleejjemem ohtsedidh datne maahtah Övikshem gaskesadtedh. Ringkh åestijedïenesjasse: 0660-29 93 50 jallh e-påastem seedtedh: info@ovikshem.se.

Datne maahtah aaj privaate leejjesalmetjasse jallh liktijesïeltide gaskesadtedh.

Jis datne soejkesjh gåetiem bigkedh maahta tjïelten siebriedahkebigkemereereme datnem viehkiehtidh gyhtjelassh eatnemen, njoelkedassi jïh jååhkesjimmiej bïjre mah daarpesjh. Seedth e-påastem: bygglov@ornskoldsvik.se jallh tjïelten viekselem gaskesadth 0660-880 00.

 

Sidan uppdaterades

2017-09-19

Sidansvarig: