Eejehtimmie jïh kultuvre 

Jeerehts eatneme jïh ræjhkoes siebriedahkejieleme darjoeh Orrestaare maam akt åtna jeenjemes ïedtjide.

Gaarsjelimmie
Gaarsjelimmesne gellie meatan Orrestaaresne. Arenesne Fjällräven Center hïejmelaage Modo jïengehockyem spealede. Staaresne aaj savkah gusnie maahta tjengkerem tjïektjedh, sis-bandyem jïh curlingem spealadidh jïh aaj Skyttis gaarsjelimmiesijjie gusnie frijjeidrotte jïh tjoejkeme. Paradiset lea beagkoes laavkomesijjie gusnie spa jïh sauna. Voejemesavkah, jïengesjåljoeh jïh gaarjeslimmiegïejh tjoevkesinie gellie sijjine gååvnesieh.

Eatneme
Seamma saaht gusnie tjïeltesne årroeh jallh årroeminie, eatneme daan lïhke. Daesnie skåajjebaalkah jïh vaedtsemebaalkah, laategh jïh gïerestallemedeavah. Mearoe, jaevrieh jïh jeanoeh böörieh göölemasse, laavkoemasse jïh vïnhtsenjïelemasse.

Dïhte sveerjen Allemansrätten reaktah eatnamisnie vadta. Mohte dïhte aaj kreava mijjieh mijjen dïedtem vaeltebe jïh sjædtoeh, juvrh jïh byjresem krööhkestibie. Naturvårdsverkets webbesijjesne maahtah dan njoelkedassi bïjre.

Stååkedimmiesåafoeh
Gellie sijjine stååkedimmiesåafoeh gååvnesieh lustes gaevnieh, buertieh, bïenghkh jïh bïssemesijjieh gusnie abpe fuelhkie murrede.

Eejehtimmiegaertenh
Eejehtimmiegaertenh noeride leah desnie: Bjästa, Björna, Bredbyn, Domsjö, Gideå, Gullänget, Husum, Järved, Mellansel jïh Själevad. Orrestaaren jarngesne lea eejehtimmiegaertene Sliperiet. Eejhteginie datne eejnegen maahtah guessine eejehtimmiegaertienasse båetedh.

Gærjagåetie
Arkengærjagåetesne Orrestaaresne maahtah gærjah ovmessie gïeline löönedh, filmh jïh musihkh löönedh, plaerieh lohkedh jïh gaskeviermiem nåhtadidh. Maanide vaajeseståanth jïh teaterem öörnie jïh aaj darjomh mejstie maanah sijhtieh lohkedh.

Voenges gærjagåetieh leah desnie: Bjästa, Björna, Bredbyn, Husum, Själevad, Skorped, Trehörningsjö jïh Nolaskolan jïh Parkskolan Orrestaaresne.

Museume, kåanste jïh musihke
Orrestaaren museeumisnie jïh kåanstesalkesne maahtah vuesiehtimmieh vuejnedh jïh dajven histovrijem vuartasjidh. Gåetievoenegaertenh voenges kultuvreaerpiem vuesiehtieh. Vïerhkh skulptööreste Bror Marklund leah Orrestaaren museumen lïhke. Keramihkh mah Hans Hedberge lea dorjeme gåetesne Arken vuesehte. Nätra jeanoen mietie High Coast Art Valley jåhta kåanstevïerhkh eatnamisnie tjåadtjoen.

Ovmessie sijjieh gååvnesieh teateridie jïh musihkide. Gideåesne maahtah vuejnedh ryöktesthseedteme operam destie stoerre sceneste Europesne.

Siebresne meatan
Hijven vuekie orre sijjiem jïh orre almetjh damtedh lea seabran tjaangedh. Tjïelten siebriebyråe maahta datnem viehkiehtidh siebriem gaavnedh mij darjomem faala maam datne sïjhth. Gaskesadth siebriebyråem: 0660-882 15, e-påaste: foreningsbyran@ornskoldsvik.se.


.

Sidan uppdaterades

2017-09-19

Sidansvarig: